ഓഹരി വിപണിയിൽ നഷ്ടത്തോടെ തുടക്കം

ഓഹരി വിപണിയിൽ നഷ്ടത്തോടെ തുടക്കം

മുംബൈ: ഓഹരി വിപണിയിൽ നഷ്ടത്തോടെ തുടക്കം. വ്യാപാര ആഴ്ചയുടെ അവസാന ദിനമായ ഇന്ന് സെൻസെക്‌സ് 162 പോയന്റ് താഴ്ന്ന് 49,583ലും നിഫ്റ്റി 40 പോയന്റ് നഷ്ടത്തിൽ 14,832ലുമാണ് വ്യാപാരം ആരംഭിച്ചത്.

ബിഎസ്ഇയിലെ 430 ഓഹരികൾ നഷ്ടത്തിലും 756 ഓഹരികൾ നേട്ടത്തിലുമാണ്. 75 ഓഹരികൾക്ക് മാറ്റമില്ല.

സെക്ടറൽ സൂചികകളിൽ സമ്മിശ്രമാണ് പ്രതികരണം. നിഫ്റ്റി ബാങ്ക് സൂചികയാണ് നഷ്ടത്തിൽ മുന്നിൽ. 1.1ശതമാനമാണ് താഴ്ന്നത്.

മാരുതി സുസുകി, മഹീന്ദ്ര ആൻഡ് മഹീന്ദ്ര, എൻടിപിസി, നെസ് ലെ, ടെക് മഹീന്ദ്ര, ബജാജ് ഫിൻസർവ്, റിലയൻസ്, ഏഷ്യൻ പെയിന്റ്‌സ്, എസ്ബിഐ, ഭാരതി എയർടെൽ, എച്ച്ഡിഎഫ്‌സി ബാങ്ക് തുടങ്ങിയ ഓഹരികളാണ് നഷ്ടത്തിൽ.

ഹിന്ദുസ്ഥാൻ യുണിലിവർ, പവർഗ്രിഡ് കോർപ്, സൺ ഫാർമ, ബജാജ് ഓട്ടോ, ഒഎൻജിസി, ഡോ.റെഡ്ഡീസ് ലാബ്, ഐടിസി, ഇൻഫോസിസ് തുടങ്ങിയ ഓഹരികൾ നേട്ടത്തിലുമാണ്.

ഏഷ്യൻ സൂചികകളിലെ നഷ്ടവും ഉയരുന്ന കോവിഡ് കേസുകളുമാണ് രാജ്യത്തെ സൂചികകളിലും പ്രതിഫലിച്ചത്.

 

Leave A Reply
error: Content is protected !!