സൂപ്പർ മാർക്കറ്റിൽ ഷോപ്പിങ്ങിന് ‘ഗോഡ്​സില്ല’ യും ; ഭയചകിതരായി ആൾക്കാർ : വിഡിയോ

സൂപ്പർ മാർക്കറ്റിൽ ഷോപ്പിങ്ങിന് ‘ഗോഡ്​സില്ല’ യും ; ഭയചകിതരായി ആൾക്കാർ : വിഡിയോ

ബാ​ങ്കോക്ക്​: ആൾത്തിരക്കുള്ള സമയത്ത് തായ്​ലൻഡിലെ സൂപ്പർ മാർക്കറ്റിലെത്തിയ കൂറ്റൻ ‘ഗോഡ്​സില്ല ആണ് സമൂഹ മാധ്യമങ്ങളിൽ തരംഗമാകുന്നത് .കഴിഞ്ഞ ദിവസം തായ്​ലൻഡിലെ ഷോപ്പിൽ ആളുകൾ അകത്തു നിൽക്കുന്നതിനിടെ തുറന്നിട്ട കതകിനുളളിലൂടെ കൂറ്റൻ ഉടുമ്പ്​ അകത്തുകയറി​. പതിയെ നടന്നുനീങ്ങിയ കക്ഷി ആളുകളെ കണ്ടതോടെ ഒരു മൂലയിലെ റാക്കിൽ പറ്റിപ്പിടിച്ചു കയറാനായി ശ്രമം തുടങ്ങി . വളരെ പ്രയാസപ്പെട്ട് മുകളിലേക്ക് കയറുന്നതിനിടെ നിരത്തിവെച്ച സാധനങ്ങൾ ഒന്നിനു പിറകെ ഒന്നായി താഴെ വീഴുമ്പോഴും അതൊന്നും കാര്യമാക്കാതെ പറ്റിപ്പിടിച്ച്​ മുകളിലെത്തുന്നതിൽ കക്ഷി വിജയിച്ചു.

മുകളിലെത്തിയെന്നുറപ്പാക്കിയതോടെ നീണ്ടുനിവർന്ന്​ വാൽ പൊക്കിയും നിലത്തുവെച്ചും കാഴ്ചകൾ കണ്ട്​ വിശ്രമിക്കാനായിരുന്നു പിന്നെ തീരുമാനം. ഉടുമ്പിന്‍റെ സഞ്ചാരവും വിശ്രമവും പകർത്തിയ വിഡിയോ സമൂഹ മാധ്യമങ്ങളിൽ അതിവേഗം വൈറലായി .

അതെ സമയം ഈ അപ്രതീക്ഷിത കാഴ്ച കണ്ട്​ പകച്ചുപോയ കുട്ടികളുടെയും മുതിർന്നവരുടെയും ബഹളം പിന്നിൽ ​ വ്യക്​തമായി കേൾക്കാം. അതെ സമയം വിഡിയോ വൈറലായതോടെ ഇത്​ അടുത്ത ഗോഡ്​സില്ല ചിത്രത്തിന്‍റെ ഗ്രാന്‍റ്​ ലോഞ്ചിങ്ങാകാം എന്നുവരെ പ്രതികരിക്കുന്നവരുണ്ട്​.

ഇത്തരം വലിയ ഉടുമ്പുകൾ ബാങ്കോക്കിൽ സാധാരണമാണെന്ന്​ ട്വിറ്ററിൽ വിഡിയോ പങ്കുവെച്ച മു​​ണ്ടൊ നൊമാഡ പറയുന്നു. ചത്ത ജീവികളുടെ അഴുകിയ മാംസം ഏറെ ഇഷ്​ടമുള്ള ഇവ പക്ഷേ, സൂപർമാർക്കറ്റിന്‍റെ വാതിൽ കടന്ന്​ അകത്തുകയറുന്നത്​ ആദ്യത്തെ സംഭവം .എന്നാൽ ഉടുമ്പിനെ എന്തു ചെയ്​തുവെന്ന്​ അറിവായിട്ടില്ല .

Leave A Reply
error: Content is protected !!