മഹാരാഷ്ട്ര ആഭ്യന്തരമന്ത്രിക്കെതിരെ ആരോപണം ; അന്വേഷണം സിബിഐക്ക് വിട്ട് ബോംബെ ഹൈക്കോടതി

മഹാരാഷ്ട്ര ആഭ്യന്തരമന്ത്രിക്കെതിരെ ആരോപണം ; അന്വേഷണം സിബിഐക്ക് വിട്ട് ബോംബെ ഹൈക്കോടതി

മുംബൈ: മഹാരാഷ്ട്ര ആഭ്യന്തരമന്ത്രി അനില്‍ ദേശ്മുഖിനെതിരെയുള്ള അഴിമതി ആരോപണത്തില്‍ സിബിഐ അന്വേഷണം പ്രഖ്യാപിച്ച് ബോംബെ ഹൈക്കോടതി. കേസിൽ 15 ദിവസത്തിനുള്ളില്‍ പ്രാഥമിക അന്വേഷണം നടത്തി റിപ്പോര്‍ട്ട് സമര്‍പ്പിക്കാനാണ് കോടതി നിര്‍ദേശം.

ബാറുകളിലും ഹോട്ടലുകളിലും നിന്ന് 100 കോടി രൂപ പ്രതിമാസം പിരിക്കാന്‍ ആവശ്യപ്പെട്ടെന്നാണ് മന്ത്രിക്കെതിരെയുള്ള പരാതി. മുംബൈ മുന്‍ പൊലീസ് കമ്മിഷണര്‍ പരംബീര്‍ സിങ്ങാണ് കോടതിയെ സമീപിച്ചത്. കേസ് അസാധാരണവും മുന്‍പില്ലാത്തതുമാണെന്നാണ് കോടതി വിശേഷിപ്പിച്ചത്.

ചീഫ് ജസ്റ്റിസ് ദീപാങ്കര്‍ ദത്ത, ജസ്റ്റിസ് കുല്‍ക്കര്‍ണി എന്നിവരടങ്ങുന്ന ബെഞ്ചാണ് ദേശ്മുഖിനെതിരെ അന്വേഷണം പ്രഖ്യാപിച്ചത്.

Leave A Reply
error: Content is protected !!