ഗുജറാത്ത്​ മുനിസിപ്പൽ തെരഞ്ഞെടുപ്പ്​; ബി.ജെ.പി മുന്നിൽ

ഗുജറാത്ത്​ മുനിസിപ്പൽ തെരഞ്ഞെടുപ്പ്​; ബി.ജെ.പി മുന്നിൽ

അഹ്​മദാബാദ്​: ഗുജറാത്തിലെ ആറ്​ മുനിസിപ്പൽ കോർപറേഷനിലേക്ക്​ നടന്ന തെരഞ്ഞെടുപ്പിൽ ബി.ജെ.പിക്ക്​ മുന്നേറ്റം. ആറ്​ മുനിസിപ്പൽ കോർപറേഷനുകളിലെ 576 സീറ്റുകളിലേക്കാണ്​ മത്സരം നടന്നത് . 286 സീറ്റുകൾ നേടി ബി.ജെ.പി ലീഡ്​ ചെയ്യുകയാണ്​. 42 സീറ്റുകൾ മാത്രമാണ്​ കോൺ​ഗ്രസിന്​ നേടാനായത്​.

അഹ്​മദാബാദ്​ കോർ​പറേഷനിൽ ബി.ജെ.പി 81 സീറ്റുകളിലും കോൺ​ഗ്രസ്​ 16 സീറ്റുകളിലുമാണ്​ ലീഡ്​ ചെയ്യുന്നത്​. സൂറത്തിൽ ബി.ജെ.പിക്ക്​ 56 സീറ്റിലും കോൺഗ്രസ്​​ എട്ടു സീറ്റിലും വിജയിച്ചു . അതെ സമയം സൂറത്തിൽ ആം ആദ്​മി പാർട്ടി മുന്നേറുന്നുണ്ടെന്നാണ് വിവരം.

വഡോദരയിൽ ബി.ജെ.പി 27 സീറ്റുകളിലും കോൺഗ്രസ്​ എട്ടു സീറ്റുകളിലും ലീഡ്​ ചെയ്യുന്നുണ്ട്​. രാജ്​കോട്ടിൽ 48 സീറ്റുകളിൽ ഏകപക്ഷീയമായാണ്​ ബി.ജെ.പിയുടെ മുന്നേറ്റം.ഭാവ്​നഗറിൽ ബി.ജെ.പി 20 സീറ്റുകളിലും കോൺഗ്രസ്​ ഏഴുസീറ്റുകളിലും മുന്നേറുന്നുണ്ട്​. ജാംനഗറിൽ 23 സീറ്റിൽ ബി.ജെ.പി കുതിച്ചപ്പോൾ കോൺ​ഗ്രസ്​ ആറു സീറ്റിലേക്ക് മാത്രമായി ​ ചുരുങ്ങി.

വരാനിരിക്കുന്ന നിയമസഭ തെരഞ്ഞെടുപ്പിൽ തദ്ദേശ തെരഞ്ഞെടുപ്പ്​ ഫലം നിർണായകമാകുമെന്നാണ്​ വിലയിരുത്തൽ. ഡൽഹി മുഖ്യമന്ത്രി അരവിന്ദ്​ കെജ്​രിവാളിന്‍റെ ആം ആദ്​മി പാർട്ടി ആദ്യമായി ഗുജറാത്തിൽ മത്സരിക്കാനിറങ്ങിയ തെരഞ്ഞെടുപ്പ്​ എന്ന പ്രത്യേകതയും കൂടിയുണ്ട് .

Leave A Reply
error: Content is protected !!