നികുതി ​റി​ട്ടേൺ കൈമാറണമെന്ന് യു.എസ്​ സുപ്രീം കോടതി ; ട്രംപിന് പിടി വീഴുമോ ?

വാഷിങ്​ടൺ: രണ്ടു കൊല്ലമായി നികുതി ​റി​ട്ടേൺ ആവശ്യപ്പെട്ടിട്ടും ഒഴിഞ്ഞുമാറിയ മുൻ പ്രസിഡൻറ്​ ഡോണൾഡ്​ ട്രംപിനെതിരെ കർശന ​ നിലപാടെടുത്ത്​ യു.എസ്​ സുപ്രീം കോടതി. വർഷങ്ങളായി സൂക്ഷ്​മ പരിശോധനക്ക്​ കൈമാറാതെ ട്രംപ്​ കൈവശം വെക്കുന്ന നികുതി റി​ട്ടേൺ അടിയന്തരമായി ന്യൂയോർക്​ സിറ്റി പ്രോസിക്യൂട്ടർക്ക്​ വിട്ടുനൽകണമെന്ന് യു.എസ്​ കോടതി നിർദേശിച്ചു.

ജനുവരി 20ന്​ വൈറ്റ്​ഹൗസ്​ വിട്ട ട്രംപിന്​ ഇനി നിയമ പരിരക്ഷയില്ലെന്ന്​ ചൂണ്ടിക്കാട്ടിയാണ്​ നടപടി. സ്വന്തം ​പേ രിലുള്ള സ്​ഥാപനങ്ങളുടെ സാമ്പത്തിക ക്ര​മക്കേടുകൾ ഇതോടെ പുറത്തുവരുമെന്ന്​​ ട്രംപ്​ ഭയക്കുന്നു. മൻഹാട്ടൻ ജില്ലാ അറ്റോണി സൈറസ്​ വാൻസ്​ ജൂനിയർ, സ്​റ്റേറ്റ്​ ​അറ്റോണി ജനറൽ ലെറ്റീഷ്യ ജെയിംസ്​ എന്നിവരാണ്​ ട്രംപിന്റെ സാമ്പത്തിക ക്രമക്കേടുകൾ പരിശോധിക്കുന്നത്​.

അതെ സമയം കാപിറ്റോളിൽ അതിക്രമങ്ങൾക്ക്​ ആഹ്വാനം ചെയ്​ത സംഭവത്തിന് പുറമെ ​ ജോർജിയ സംസ്​ഥാനത്ത്​ പൊതു തെരഞ്ഞെടുപ്പിനിടെ ഫലം അട്ടിമറിക്കാൻ ട്രംപിൻറെ പങ്കാളിത്തത്തെ തുടർന്നുള്ള അന്വേഷണവും പുരോഗമിക്കുന്നുണ്ട്​. നികുതി റി​ട്ടേണുകൾ ബന്ധപ്പെട്ട ഉദ്യോഗസ്​ഥർക്ക്​ കൈമാറുന്നതിൽ ട്രംപ്​ കാണിച്ചുവരുന്ന പിശുക്ക്​ യു.എസ്​ രാഷ്​ട്രീയത്തിൽ ഏറെയായുള്ള ചർച്ചാ വിഷയമാണ്​. 2016ൽ പ്രസിഡൻറാകും മുമ്പ് ഇത്​ ട്രംപ്​ പിടിച്ചുവെച്ചിരിക്കുകയാണ്​.

കടുത്ത സാമ്പത്തിക നഷ്​ടം ചൂണ്ടിക്കാട്ടി നികുതിയൊടുക്കാതെ ​ ട്രംപ്​ ഒഴിഞ്ഞുമാറുന്നതിന്റെ ഞെട്ടിക്കുന്ന കണക്കുകൾ അടുത്തിടെ ന്യൂയോർക്​ ടൈംസ്​ പുറത്തുവിട്ടിരുന്നു. 2016ലും 2017ലുമായി 750 ഡോളർ മാത്രമാണ്​ ട്രംപ്​ നികുതിയൊടുക്കിയിരുന്നത്​.