ഛത്തീസ്​ഗഡ്​ മുഖ്യമന്ത്രിയുടെ ഹെലികോപ്​ടറിൽ ​’പ്രീ വെഡ്ഡിങ് ഫോ​ട്ടോഷൂട്ട്​’ ; സസ്​പെൻഷൻ

ഛത്തീസ്​ഗഡ്​ മുഖ്യമന്ത്രിയുടെ ഹെലികോപ്​ടറിൽ ​’പ്രീ വെഡ്ഡിങ് ഫോ​ട്ടോഷൂട്ട്​’ ; സസ്​പെൻഷൻ

റായ്​പുർ: ഛത്തീസ്​ഗഡ്​ മുഖ്യമന്ത്രിയുടെ ഹെലികോപ്​ടറിൽ സുഹൃത്തിന്​ ‘പ്രീ വെഡ്ഡിങ്ങ്​ ‘ഫോ​ട്ടോഷൂട്ടിന്​ അനുമതി നൽകിയ വ്യക്തിക്ക് ​ സസ്​പെൻഷൻ. വധൂ വരന്മാരുടെ ഹെലികോപ്​ടറിൽനിന്നുള്ള ചിത്രങ്ങൾ സമൂഹമാധ്യമങ്ങളിൽ വൈറലായതോടെയാണ്​ നടപടി.

സിവിൽ ഏവിയേഷൻ വകുപ്പിലെ ഡ്രൈവറായ യോഗേശ്വർ സായ്​ വരന്‍റെ സുഹൃത്താണ്​. ജനുവരി 20നായിരുന്നു സായ്​യുടെ സമ്മതപ്രകാരം വധൂവരൻമാൻ സംസ്​ഥാന സർക്കാറിന്‍റെ ഹെലികോപ്​ടറായ ‘എ.ഡബ്ല്യൂ 109 പവർ എലൈറ്റിൽ’ ഫോ​ട്ടോഷൂട്ട്​ നടത്തിയത്​.

യോഗേശ്വർ​ സുരക്ഷ മാനദണ്ഡങ്ങൾ ലംഘിച്ചുവെന്നും ആളു​കളെ​ ഔദ്യോഗിക വാഹനത്തിൽ പ്രവേശിപ്പിച്ചുവെന്നും സിവിൽ ഏവിയേഷൻ വകുപ്പ്​ ചൂണ്ടിക്കാട്ടി. അനുമതിയുണ്ടെന്ന്​ സുരക്ഷ ഗാർഡുകളെ തെറ്റിദ്ധരിപ്പിച്ച ശേഷമാണ്​ ഇരുവരെയും സായ്​ ഹെലികോപ്​ടറിന്​ സമീപം കൂട്ടിക്കൊണ്ടുപോയത്​. സംഭവത്തിൽ ഛത്തീസ്​ഗഡ്​ സിവിൽ ഏവിയേഷൻ വകുപ്പിൽനിന്ന്​ സായ്​യെ നവ റായ്​പുരിലെ ഡയറക്​​ടറേറ്റ്​ ഓഫ്​ ഏവിയേഷനിലേക്ക്​ മാറ്റുകയും ചെയ്​തു. സംഭവത്തിൽ അന്വേഷണവും പ്രഖ്യാപിച്ചു.

ഫോട്ടോഷൂട്ട് ചിത്രങ്ങൾ സമൂഹമാധ്യമങ്ങളിൽ വൈറലായതോടെ പ്രതികരണവുമായി മുഖ്യമന്ത്രി ഭൂപേഷ്​ ബാഗൽ രംഗത്തെത്തി. സംസ്​ഥാന സർക്കാറിന്‍റെ ഹെലികോപ്​ടറിൽ പ്രീ വെഡ്ഡിങ്​ ഫോ​ട്ടോഷൂട്ട്​ നടത്തിയത്​ ​ശ്രദ്ധയിൽപ്പെട്ടതായും ഇത്തരത്തിൽ വീഴ്ച സംഭവിച്ചത്​ അന്വേഷിച്ച്​ റിപ്പോർട്ട്​ സമർപ്പിക്കാൻ നിർദേശം നൽകിയതായും അദ്ദേഹം ട്വിറ്ററിലൂടെ വ്യക്തമാക്കി .

Leave A Reply
error: Content is protected !!