മഹാരാഷ്​ട്രയിൽ മന്ത്രി ഛാഗൻ ബുജ്​പാലിന് കോവിഡ് ; 7000ത്തോളം പേർക്ക് രോഗബാധ

മഹാരാഷ്​ട്രയിൽ മന്ത്രി ഛാഗൻ ബുജ്​പാലിന് കോവിഡ് ; 7000ത്തോളം പേർക്ക് രോഗബാധ

മുംബൈ: കോവിഡ് കേസുകൾ വർധിച്ച് വരുന്ന സാഹചര്യത്തിൽ മഹാരാഷ്​ട്രയിൽ ഒരു മന്ത്രിക്ക്​ കൂടി കോവിഡ്​. മന്ത്രിയും എൻ.സി.പി നേതാവുമായ ഛാഗൻ ബുജ്​പാലിനാണ്​ കോവിഡ്​ 19 സ്​ഥിരീകരിച്ചത്​. രോഗവിവരം ട്വിറ്ററിലുടെ അദ്ദേഹംതന്നെ പങ്കുവെക്കുകയായിരുന്നു.

അതെ സമയം കഴിഞ്ഞ ദിവസങ്ങളിൽ താനുമായി സമ്പർക്കം പുലർത്തിയവർ നിരീക്ഷണത്തിൽ പോകണമെന്നും അദ്ദേഹം നിർദേശിച്ചു. തന്‍റെ ആരോഗ്യനില തൃപ്​തികരമാണെന്നും എല്ലാവരും ജാഗ്രത പുലർത്തണമെന്നും അദ്ദേഹം പറഞ്ഞു.

അടുത്തിടെയായി മഹാരാഷ്​ട്രയിൽ നിരവധി മന്ത്രിമാർക്ക്​ കോവിഡ്​ സ്​ഥിരീകരിച്ചിരുന്നു. കോവിഡ്​ രോഗബാധിതരുടെ എണ്ണവും സംസ്​ഥാനത്ത്​ കുതിച്ചുയർന്നിരുന്നു. തിങ്കളാഴ്ച മുതൽ രാഷ്​ട്രീയ, സാമൂഹിക കൂടിച്ചേരലുകൾ ചേരലുകൾ ഇതോടെ നിരോധിച്ചു.ഞായറാഴ്ച മഹാരാഷ്​ട്രയിൽ 7000ത്തോളം പേർക്കാണ്​ കോവിഡ്​ സ്​ഥിരീകരിച്ചത്​.

അതെ സമയം രണ്ടാഴ്ചക്കിടെ കോവിഡ്​ ബാധിതരുടെ എണ്ണം കുതിർച്ചുയർന്നാൽ ലോക്​ഡൗൺ പ്രഖ്യാപിക്കുമെന്നും മുഖ്യമന്ത്രി ഉദ്ദവ്​ താക്കറെ മുന്നറിയിപ്പ് നൽകിയിട്ടുണ്ട് .

Leave A Reply
error: Content is protected !!