മരിച്ച കർഷകന്റെ മൃതദേഹം എലി കരണ്ടനിലയിൽ

മരിച്ച കർഷകന്റെ മൃതദേഹം എലി കരണ്ടനിലയിൽ

ന്യൂഡൽഹി: കർഷകസമരത്തിനിടെ മരിച്ച കർഷകന്റെ മൃതദേഹം ആശുപത്രിയിൽ എലി കരണ്ടനിലയിൽ. ഡൽഹി -ഹരിയാന അതിർത്തിയായ കുണ്ട്​ലിയിൽ പ്രക്ഷോഭത്തിൽ പ​ങ്കെടുത്തിരുന്ന 70 കാരന്റെ മൃതദേഹമാണ്​ എലി കരണ്ടത്​. സോനിപത്തിലെ ആശുപത്രിയിൽ പോസ്​റ്റുമോർട്ടം ചെയ്യാനായി സൂക്ഷിച്ചിരിക്കുകയായിരുന്നു മൃതദേഹം.

പ്രക്ഷോഭത്തിനിടെ ബുധനാഴ്​ച രാത്രിയാണ്​ രാജേന്ദ്ര സരോഹ മരിച്ചത്​​. മരണകാരണം വ്യക്തമല്ലാത്തതിനാൽ വ്യാഴാഴ്​ച പോസ്​റ്റ്​മോർട്ടം ചെയ്യുന്നതിനായി ആശുപത്രിയിലെ ഫ്രീസറിൽ സൂക്ഷിച്ചു.മൃതദേഹം ​ഫ്രീസറിൽനിന്ന്​ പുറത്തെടുത്തപ്പോൾ എലി കരണ്ടുതിന്ന നിലയിലായിരുന്നു. മുഖവും കാലുകളുമാണ്​ എലികൾ വികൃതമാക്കിയത്​.

‘മൃതദേഹത്തിൽനിന്ന്​ രക്തം പൊടിയുന്നുണ്ടായിരുന്നു. ആഴത്തിലുള്ള മുറിവും പിതാവിന്റെ ദേഹത്തുണ്ടായിരുന്നു. ഇത്​ ഗ്രാമവാസികളുടെയും ഖാപ്​ പഞ്ചായത്തി​െൻറയും പ്രതിഷേധത്തിന്​ ഇടയാക്കി’ -രാജേന്ദ്ര ​സരോഹയുടെ മകൻ വെളിപ്പെടുത്തി .അതെ സമയം സംഭവത്തെ പറ്റി അന്വേ ഷിക്കാൻ മൂന്നംഗ സമിതിയെ നിയോഗിച്ചു.

Leave A Reply
error: Content is protected !!