സ്‌കൂള്‍ കെട്ടിടങ്ങളുടെ നിര്‍മ്മാണം; മാസ്റ്റര്‍പ്ലാന്‍ തയ്യാറാക്കും

സ്‌കൂള്‍ കെട്ടിടങ്ങളുടെ നിര്‍മ്മാണം; മാസ്റ്റര്‍പ്ലാന്‍ തയ്യാറാക്കും

വയനാട്:ജില്ലയില്‍ വിദ്യാഭ്യാസ സ്ഥാപനങ്ങളുടെ നിര്‍മ്മാണ പ്രവര്‍ത്തനങ്ങള്‍ക്ക് മാസ്റ്റര്‍ പ്ലാന്‍ തയ്യാറാക്കാന്‍ ജില്ലാ പഞ്ചായത്തില്‍ ചേര്‍ന്ന അവലോകന യോഗത്തില്‍ തീരുമാനിച്ചു. സ്‌കൂള്‍ കെട്ടിടങ്ങളുടെ നിര്‍മാണം സംബന്ധിച്ച് ജില്ലാ പഞ്ചായത്ത് പ്രസിഡന്റ് സംഷാദ് മരക്കാറിന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. വിവിധ വിദ്യാലയങ്ങളില്‍ നടക്കുന്ന നിര്‍മ്മാണ പ്രവൃത്തികള്‍ യോഗത്തില്‍ വിലയിരുത്തി.

നിര്‍മാണ പ്രവര്‍ത്തനങ്ങള്‍ വേഗത്തിലാക്കാനും കാലതാമസമുണ്ടാക്കരുതെന്നും യോഗം അധികൃതര്‍ക്ക് നിര്‍ദേശം നല്‍കി. ചടങ്ങില്‍ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ മുഹമ്മദ് ബഷീര്‍, ജില്ലാ പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി അധ്യക്ഷ ഉഷാ തമ്പി, ജില്ലാ പ്ലാനിംഗ് ഓഫീസര്‍ ഇന്‍ ചാര്‍ജ് സുഭദ്ര നായര്‍, ഡി.ഡി ഇ കെ.വി ലീല , മിഷന്‍ കോര്‍ഡിനേറ്റര്‍ വില്‍സണ്‍ തോമസ, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

Leave A Reply
error: Content is protected !!