‘മോപ്പാള’ ഇൻ്റർനാഷണൽ ഫോക്‌ലോർ ഫിലിം ഫെസ്റ്റിവലിൽ; ഫസ്റ്റ് ലുക്ക് പോസ്റ്റർ പുറത്തിറക്കി

‘മോപ്പാള’ ഇൻ്റർനാഷണൽ ഫോക്‌ലോർ ഫിലിം ഫെസ്റ്റിവലിൽ; ഫസ്റ്റ് ലുക്ക് പോസ്റ്റർ പുറത്തിറക്കി

വനശ്രീ ക്രീയേഷൻസിന്റെ ബാനറിൽ കെ. എൻ. ബേത്തൂർ നിർമ്മിച്ച്, സന്തോഷ് പുതുക്കുന്ന് സംവിധാനം ചെയ്ത മോപ്പാള എന്ന സിനിമ കേരള ഫോക്‌ലോർ അക്കാദമി സംഘടിപ്പിക്കുന്ന ഇൻ്റർ നാഷണൽ ഫോക്‌ലോർ ഫിലിം ഫെസ്റ്റിവലിലേയ്ക്ക് തിരഞ്ഞെടുത്തു. ഫെബ്രുവരി 19 മുതൽ 21 വരെ പയ്യന്നൂരിലെ ശാന്തി സിനിമാസിലാണ് മേള നടക്കുന്നത്.

മുമ്പ് ഇംഗ്ലണ്ടിലെ ലിഫ്റ്റ് ഓഫ് ഗ്ലോബൽ നെറ്റ് വർക്സ് സങ്കടിപ്പിക്കുന്ന ഫസ്റ്റ് ടൈം ഫിലിം മേക്കേഴ്സ് സെഷൻ എന്ന ചലച്ചിത്ര മേളയിലേയ്ക്കും, ന്യൂയോര്‍ക്കിലെ ബീ ബോപ് ചാനല്‍ കണ്ടന്റ് ചലച്ചിത്ര മേളയിലേയ്‌ക്കും ചിത്രം തിരഞ്ഞെടുക്കപ്പെട്ടിട്ടുണ്ട്. ലോക്ക് ഡൗൺ കാരണം റിലീസ് നീണ്ട ചിത്രം ഉടന്‍ തന്നെ തീയേറ്ററുകളില്‍ റിലീസ് ചെയ്യും.

സന്തോഷ് കീഴാറ്റൂര്‍ പ്രധാന കഥാപാത്രത്തെ അവതരിപ്പിക്കുന്ന ചിത്രത്തില്‍ ഋതേഷ് അരമന, സോണിയ മല്‍ഹാര്‍, പ്രജ്ഞ ആര്‍ കൃഷ്ണ, മാസ്റ്റര്‍ ദേവ നന്ദന്‍, കൂക്കൽ രാഘവൻ തുടങ്ങിയവരാണ് മറ്റ് കഥാപാത്രങ്ങൾ അവതരിപ്പിച്ചത്. ചൊവ്വാഴ്ച സന്തോഷ് കീഴാറ്റൂരിൻ്റെ ഫേസ്ബുക്ക് പേജിലൂടെയാണ് ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറക്കിയത്.

തിരക്കഥ: ഉപേന്ദ്രന്‍ മടിക്കൈ, ക്യാമറ: അഭിലാഷ് കരുണാകരന്‍, പ്രശാന്ത് ഭവാനി, സംഗീതം: ശ്രീജിത്ത് നീലേശ്വര്‍, എഡിറ്റിംഗ്: ദിനില്‍ ചെറുവത്തൂര്‍, ലൊക്കേഷന്‍ സൗണ്ട്: തോമസ് കുരിയന്‍, കല: മധു കല കാരിയില്‍, പ്രജിന്‍ മാട്ടൂല്‍, മേക്കപ്പ്: വിനീഷ് ചെറുകാനം, പീയൂഷ്, ആലാപനം: ഉമേഷ് നീലേശ്വര്‍, പി. ആര്‍. ഓ.: നിര്‍മല്‍ ബേബി വര്‍ഗീസ്, സെക്കൻഡ് യൂണീറ്റ് ക്യാമറ: ഷോബിൻ ഫ്രാൻസിസ്, സംവിധാന സഹായി: സെബിൻ സേവ്യർ, സ്റ്റില്‍സ്: വിഷ്ണു ബി. എ., ട്രെയ്ലർ കട്ട്സ്: ഘനശ്യാം, ഹെലിക്യാം: വിനീഷ് റെയിന്‍ബോ, ഡിസൈന്‍സ്: കാസബ്ലാങ്ക ഫിലിം ഫാക്ടറി.

Leave A Reply
error: Content is protected !!