സൗദിയിൽ ഗാ​ർ​ഹി​ക തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കാൻ ‘മു​സാ​നെ​ദ്​’

ജു​ബൈ​ൽ: ഗാ​ർ​ഹി​ക തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​ലും സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ന്ന​തി​ലും സൗ​ദി അ​റേ​ബ്യ​യെ മുൻ നിരയിൽ എ​ത്തി​ക്കു​ന്ന​തി​ൽ ‘മു​സാ​നെ​ദ്​’ എ​ന്ന സം​വി​ധാ​നം വി​ജ​യി​ച്ചു​വെ​ന്ന് ​ഐ​ക്യ​രാ​ഷ്​​ട്ര സ​ഭ​യു​ടെ കീ​ഴി​ലു​ള്ള അ​ന്താ​രാ​ഷ്​​ട്ര തൊ​ഴി​ലാ​ളി സം​ഘ​ട​ന (ഇ​ൻ​റ​ർ​നാ​ഷ​ന​ൽ ലേ​ബ​ർ ഓ​ർ​ഗ​നൈ​സേ​ഷ​ൻ). സൗ​ദി മാ​ന​വ വി​ഭ​വ​ശേ​ഷി, സാ​മൂ​ഹി​ക വി​ക​സ​ന മ​ന്ത്രാ​ല​യ​ത്തിന്റെ ‘മു​സാ​നെ​ദ്​’ ക​ഴി​ഞ്ഞ ദി​വ​സം പു​റ​ത്തി​റ​ക്കി​യ റി​പ്പോ​ർ​ട്ടി​ലാ​ണ് ഇ​തു​​സം​ബ​ന്ധി​ച്ച് സ്ഥി​രീ​ക​ര​ണ​മു​ള്ള​ത്.

രാജ്യത്തേക്കുള്ള വി​ദേ​ശ ഗാ​ർ​ഹി​ക തൊ​ഴി​ലാ​ളി​ക​ളു​ടെ റി​ക്രൂ​ട്ട്‌​മെൻറ്​ ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ന്ന പു​തി​യ സം​യോ​ജി​ത സം​വി​ധാ​ന​മാ​ണ് ‘മു​സാ​നെ​ദ്​’. മാ​ന​വ വി​ഭ​വ​ശേ​ഷി, സാ​മൂ​ഹി​ക വി​ക​സ​ന മ​ന്ത്രാ​ല​യ​ത്തിന്റെ മേ​ൽ​നോ​ട്ട​ത്തി​ൽ ‘മു​സാ​നെ​ദ്’ വ​ഴി ഗാ​ർ​ഹി​ക ജീ​വ​ന​ക്കാ​രെ റി​ക്രൂ​ട്ട് ചെ​യ്യു​ന്ന​തി​നു​ള്ള ന​ട​പ​ടി​ക​ൾ അനായാസമാക്കുകയും അ​വ​രു​ടെ അ​വ​കാ​ശ സം​ര​ക്ഷ​ണ​ങ്ങ​ളു​ടെ നി​ല​വാ​രം വ​ർ​ധി​പ്പി​ക്കു​ക​യും ചെ​യ്യാ​നാ​യി. റി​ക്രൂ​ട്ട്‌​മെൻറ്​ പ്ര​ക്രി​യ​യി​ൽ ഓ​രോ​രു​ത്ത​ർ​ക്കും പ​ങ്കു​ണ്ടെ​ന്നും അ​വ​രു​ടെ ഉ​ത്ത​ര​വാ​ദി​ത്ത​ങ്ങ​ൾ, അ​വ​കാ​ശ​ങ്ങ​ൾ, ചു​മ​ത​ല​ക​ൾ എ​ന്തൊ​ക്കെ​യാ​ണെ​ന്നും വ്യ​ക്ത​മാ​യി രേ​ഖ​പ്പെ​ടു​ത്തി​യി​ട്ടു​ണ്ട്.

സേ​വ​ന​ങ്ങ​ളു​ടെ ഗു​ണ​നി​ല​വാ​രം ഉ​യ​ർ​ത്തു​ന്ന​തി​നും റി​ക്രൂ​ട്ട്‌​മെൻറ്​ സം​വി​ധാ​നം മെ​ച്ച​പ്പെ​ടു​ത്തു​ന്ന​തി​നും റി​ക്രൂ​ട്ട്‌​മെൻറ്​ ഓ​ഫി​സു​ക​ളും ക​മ്പ​നി​ക​ളും ത​മ്മി​ലു​ള്ള മ​ത്സ​ര​ശേ​ഷി വ​ർ​ധി​പ്പി​ക്കു​ന്ന​തി​നും ഈ ​സം​വി​ധാ​നം പ്രയോജനപ്രദമായി . പോ​ർ​ട്ട​ലിന്റെ ഓ​ൺ​ലൈ​ൻ സം​വി​ധാ​നം വ​ഴി വി​പ​ണി​യി​ലെ റി​ക്രൂ​ട്ട്‌​മെൻറ്​ ചെ​ല​വ് കു​റ​ഞ്ഞു .

ഗാ​ർ​ഹി​ക തൊ​ഴി​ലാ​ളി​ക​ളു​ടെ ക​രാ​ർ സം​വി​ധാ​നം നി​യ​ന്ത്രി​ക്കു​ന്ന​തി​ലും ഇ​രു​വി​ഭാ​ഗ​ത്തി​നും അ​വ​കാ​ശ​ങ്ങ​ൾ ഉ​റ​പ്പു​ന​ൽ​കു​ന്ന​തി​ലും തൊ​ഴി​ലാ​ളി​ക​ൾ​ക്ക് മാ​ന്യ​മാ​യ ജീ​വി​തം ഉ​റ​പ്പാ​ക്കു​ന്ന​തി​നും നി​യ​മ​നി​ർ​മാ​ണം ന​ട​ത്തു​ന്ന​തി​ലും മു​സാ​നെ​ദ്​ പ്ലാ​റ്റ്‌​ഫോo ഫ​ല​പ്ര​ദ​മാണ് .