നെറ്റ്സ് ബോളറായി സന്ദീപ് നായരെ വിട്ടുനൽകില്ലെന്ന് തമിഴ്നാട്.

നെറ്റ്സ് ബോളറായി സന്ദീപ് നായരെ വിട്ടുനൽകില്ലെന്ന് തമിഴ്നാട്.

ഇംഗ്ലണ്ടിനെതിരായ ടെസ്റ്റ് പരമ്പരയ്ക്കായി ഇന്ത്യന്‍ ടീമിന്റെ നെറ്റ്സ് ബോളറായി ബി.സി.സി.ഐ കഴിഞ്ഞ ദിവസം തിരഞ്ഞെടുത്ത മലയാളി പേസര്‍ സന്ദീപ് വാര്യരെ വിട്ടുനല്‍കില്ലെന്ന് തമിഴ്നാട്. മുഷ്താഖ് അലിട്രോഫിയില്‍ തമിഴ്നാടിന് വേണ്ടി നിലവില്‍ സന്ദീപ് കളിച്ചു കൊണ്ടിരിക്കുന്ന സാഹചര്യത്തിലാണ് ഈ നിലപാട്. ഈ സീസണില്‍ താരം തമിഴ്നാടിനാണ് കളിക്കുന്നത്.

ആദ്യ ടെസ്റ്റിന് മുന്നോടിയായി ഈ മാസം 27ന് ചെന്നൈയിലെത്തണമെന്ന് ബി.സി.സി.ഐ താരത്തെ അറിയിച്ചിരുന്നു. തുടര്‍ന്ന് കോവിഡ് പരിശോധനയ്ക്ക് വിധേയനായതിന് ശേഷം ടീമിന്റെ ബയോ ബബിളില്‍ പ്രവേശിക്കണമെന്നും താരത്തോട് ബി.സി.സി.ഐ നിര്‍ദ്ദേശിച്ചിരുന്നു. എന്നാല്‍ സയ്യിദ് മുഷ്താഖ് അലി ട്രോഫി ടൂര്‍ണമെന്റ് അവസാനിക്കുന്ന ഈ മാസം 31 വരെ താരത്തെ ടീമില്‍ നിലനിര്‍ത്താനാണ് തമിഴ്നാട് ക്രിക്കറ്റ് അസോസിയേഷന്‍ താത്പര്യപ്പെടുന്നത്.

ഈ പ്രത്യേക സാഹചര്യത്തില്‍ സന്ദീപിനെ വൈകി ഇന്ത്യന്‍ ടീമിന്റെ ബയോ ബബിളില്‍ പ്രവേശിപ്പിക്കാന്‍ അനുവദിക്കണമെന്ന് ആവശ്യപ്പെട്ട് തമിഴ്നാട് ക്രിക്കറ്റ് അസോസിയേഷന്‍ ബി.സി.സി.സിഐയ്ക്ക് കത്തയച്ചിട്ടുണ്ട്. എന്നാല്‍ ബി.സി.സി.ഐ ഇതിന് മറുപടി നല്‍കിയിട്ടില്ലെന്നാണ് സൂചന.

Leave A Reply
error: Content is protected !!