ഷിഗല്ല പോലെയുള്ള ജലജന്യരോഗങ്ങള്‍ക്കെതിരെ ജാഗ്രത വേണം

ഷിഗല്ല പോലെയുള്ള ജലജന്യരോഗങ്ങള്‍ക്കെതിരെ ജാഗ്രത വേണം

മനുഷ്യ വിസര്‍ജ്ജ്യത്തില്‍ നിന്നാണ് രോഗവാഹകരായ ബാക്ടീരിയ വെള്ളത്തിൽ കലരുന്നത്. മുതിര്‍ന്നവരേക്കാള്‍ കുട്ടികളെയാണ് രോഗം ഗുരുതരമായി ബാധിക്കുന്നത്. രോഗബാധിതരുമായുള്ള സമ്പര്‍ക്കത്തിലൂടെ വളരെ വേഗം ഷി​ഗല്ല പടരും. വയറിളക്കം, പനി, വയറുവേദന, അടിക്കടി മലശോധനയ്ക്ക് തോന്നുക എന്നിവയാണ് പ്രധാന ലക്ഷണങ്ങൾ. എല്ലാ ഷി​ഗല്ല രോ​ഗികൾക്കും രോ​ഗലക്ഷങ്ങൾ കാണണമെന്നില്ല. ഷി​ഗല്ല ബാക്ടീരിയ ശരീരത്തിൽ പ്രവേശിച്ച് മൂന്ന് ദിവസത്തിന് ശേഷമാകും രോ​ഗലക്ഷണങ്ങൾ കണ്ട് തുടങ്ങുക.

പ്രതിരോധമാര്‍ഗങ്ങള്‍

• നന്നായി തിളപ്പിച്ചാറ്റിയ വെള്ളം മാത്രം കുടിക്കുക.
• കുടിവെള്ള സ്രോതസ്സുകള്‍ യഥാസമയം ക്ലോറിനേറ്റ് ചെയ്യുക.
• ആഹാരസാധനങ്ങള്‍ അടച്ചു സൂക്ഷിക്കുക.
• പഴകിയ ആഹാരം കഴിക്കരുത്.
• വീട്ടിലുണ്ടാക്കുന്ന ആഹാര സാധനങ്ങള്‍ കഴിക്കുക.
• പഴങ്ങളും പച്ചക്കറികളും നന്നായി കഴുകിയതിനു ശേഷം മാത്രം ഉപയോഗിക്കുക.
• മുട്ട പുഴുങ്ങുന്നനുമുമ്പ് നന്നായി കഴുകുക.
• മോരുംവെള്ളം ,ജൂസുകള്‍, ഐസ്‌ക്രീം എന്നിവ തയ്യാറാക്കുമ്പോള്‍ ശുദ്ധജലം ആണ് ഉപയോഗിക്കുന്നത് എന്ന് ഉറപ്പാക്കുക.
• ആറുമാസം വരെ കുഞ്ഞുങ്ങള്‍ക്ക് മുലപ്പാല്‍ മാത്രം നല്‍കുക.
• കുഞ്ഞുങ്ങള്‍ക്ക് കുപ്പിപ്പാല്‍ ഒഴിവാക്കുക .

• ഭക്ഷണത്തിനു മുന്‍പും ശേഷവും കൈകള്‍ സോപ്പ് ഉപയോഗിച്ച് കഴുകുക.
• മലമൂത്രവിസര്‍ജനം ശുചിമുറിയില്‍ മാത്രം നടത്തുക. ശുചിമുറി ഉപയോഗിച്ചശേഷം കൈകള്‍ സോപ്പ് ഉപയോഗിച്ച് വൃത്തിയായി കഴുകുക .
• കുഞ്ഞുങ്ങളുടെ വിസര്‍ജ്യം ശുചിമുറിയില്‍ തന്നെ ഇടുക .
• കുഞ്ഞുങ്ങള്‍ക്ക് ഉപയോഗിക്കുന്ന ഡയപ്പറുകള്‍ സുരക്ഷിതമായി സംസ്‌കരിക്കുക.
• വ്യക്തിശുചിത്വം, ആഹാര ശുചിത്വം, പരിസര ശുചിത്വം എന്നിവ പാലിക്കുക.
• വയറിളക്കം ഉണ്ടായാല്‍ ഉടന്‍ തന്നെ ഒ. ആര്‍. എസ്. ലായനി കുടിക്കുക. ഒപ്പം സിങ്ക് ഗുളിക കഴിക്കുന്നതിലൂടെ രോഗം വേഗം സുഖപ്പെടുകയും ആവര്‍ത്തിച്ചുണ്ടാകുന്ന വയറിളക്കം ഒഴിവാക്കുകയും ചെയ്യാം.

Leave A Reply

error: Content is protected !!