കേരളത്തെ വേട്ടയാടുന്ന ആഗസ്റ്റ് എന്ന ദുരന്ത കാലം…! 'ഇനി കരുതിയിരിക്കണം'

കേരളത്തെ വേട്ടയാടുന്ന ആഗസ്റ്റ് എന്ന ദുരന്ത കാലം…! ‘ഇനി കരുതിയിരിക്കണം’

കാലവര്‍ഷത്തിന്‍റെ അത്ഭുതപൂര്‍വ്വമായ ദുരിതപെയ്ത്തില്‍ നാടും നഗരവും സ്തംഭിച്ചു നില്‍ക്കുന്ന നാളുകളിലാണ് ഈ കുറിപ്പ് എഴുതുന്നത്. 1924-നു ശേഷം ഇതുപോലൊരു പ്രളയ കാലം കണ്ടിട്ടില്ല എന്ന് പഴമക്കാരും കാലാവസ്ഥാ വിശാരദരും ഒരുപോലെ പറയുന്നു. പ്രകൃതിയുടെ വികൃതിയാണോ ഈ ദുരന്തം എന്ന തര്‍ക്കം ശേഷിക്കുന്നുണ്ട്.

4.6 ബില്യന്‍ വര്‍ഷങ്ങള്‍ പ്രായമുള്ള ഭൂമി മാതാവിന് ഏറ്റവും കൂടുതല്‍ ക്ഷതമേറ്റ നൂറ്റാണ്ടാണ് കഴിഞ്ഞുപോയത്. കഴിഞ്ഞതിനേക്കാള്‍ ക്ഷതമേല്‍പ്പിക്കുന്ന നൂറ്റാണ്ടിലാണ് നാം ജീവിക്കുന്നത്. ജനസംഖ്യാ ബാഹുല്യത്തിന്‍റെ അനിവാര്യതയായി പ്രപഞ്ചത്തിലെ കയ്യേറ്റങ്ങള്‍ കുറെയൊക്കെ ന്യായീകരിക്കപ്പെടേണ്ടതാണ്. പ്ര കൃതിയുടെ ഭാഗമായ മനുഷ്യന്‍ പ്രകൃതിയോട് ഇണങ്ങി ജീവിച്ച കാലത്ത് പ്രകൃതിയുടെ വികൃതികള്‍ വിരളമായി രുന്നു എന്ന് കരുതാം. എന്നാല്‍, പ്രപഞ്ചത്തിന്‍റെ ആകൃതിയും പ്രകൃതിയും പാടേ മാറ്റിയ പല ദുരന്തങ്ങളും ചരിത്രാതീത കാലംമുതല്‍ക്കേ പ്രപഞ്ചത്തില്‍ സംഭവിച്ചിട്ടുണ്ട്. ദിനോസറുകളുടെ വംശനാശത്തിനും പുതിയ തരം ജീവജാലങ്ങളുടെ ഉത്ഭവത്തിനും ഉതകുന്ന പരിസ്ഥിതി പരിണാമങ്ങള്‍ സംഭവിച്ചത് ഇക്കാലഘട്ടങ്ങളിലാണ്. തോമസ് റോബര്‍ട്ട് മാല്‍ത്തൂസിന്‍റെ വിചിത്രമായ സിദ്ധാന്തത്തില്‍ പരാമര്‍ശിക്കുംപോലെ പ്രകൃതി സ്വയം കണ്ടെത്തുന്ന ചില നിഗൂഢമായ അതിജീവന മാര്‍ഗ്ഗങ്ങളാണ് പ്രകൃതി ദുരന്തങ്ങളാകുന്നത്. പ്രകൃതിയുടെ നിഗൂഢതകള്‍ മനുഷ്യബുദ്ധിക്ക് അതീതമാണെന്ന സത്യം പ്രകൃതിതന്നെ പഠിപ്പിക്കുന്നുണ്ട്.

Leave A Reply

error: Content is protected !!