മലപ്പുറം ജില്ലയില്‍ 143 പേര്‍ക്ക് കോവിഡ്; 125 പേര്‍ക്കും സമ്പര്‍ക്കത്തിലൂടെ

മലപ്പുറം ജില്ലയില്‍ 143 പേര്‍ക്ക് കോവിഡ്; 125 പേര്‍ക്കും സമ്പര്‍ക്കത്തിലൂടെ

മലപ്പുറം:  ജില്ലയില്‍ വെള്ളിയാഴ്ച 143 പേര്‍ക്ക് കൂടി കോവിഡ് 19 സ്ഥിരീകരിച്ചതായി ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരില്‍ 125 പേര്‍ക്കും സമ്പര്‍ക്കത്തിലൂടെയാണ് രോഗബാധ. 21 പേര്‍ക്ക് രോഗബാധയുണ്ടായതിന്റെ ഉറവിടം കണ്ടെത്തി വരികയാണ്. നേരത്തെ രോഗബാധയുണ്ടായവരുമായി അടുത്ത ബന്ധമുണ്ടായ 104 പേര്‍ക്കും സമ്പര്‍ക്കത്തിലൂടെ രോഗബാധ സ്ഥിരീകരിച്ചു. വെള്ളിയാഴ്ച രോഗം സ്ഥിരീകരിച്ചവരില്‍ ആറ് പേര്‍ ഇതര സംസ്ഥാനങ്ങളില്‍ നിന്നെത്തിയവരും ശേഷിക്കുന്ന 12 പേര്‍ വിവിധ വിദേശ രാജ്യങ്ങളില്‍ നിന്നെത്തിയവരുമാണ്. 40 പേര്‍ വിദഗ്ധ ചികിത്സക്ക് ശേഷം ജില്ലയില്‍ രോഗമുക്തരായി. ഇതുവരെ 1,774 പേരാണ് രോഗമുക്തരായി വീടുകളിലേക്ക് മടങ്ങിയത്.

നിരീക്ഷണത്തിലുള്ളത് 32,500 പേര്‍

32,500 പേരാണ് ഇപ്പോള്‍ ജില്ലയില്‍ നിരീക്ഷണത്തിലുള്ളത്. 1,075 പേര്‍ വിവിധ ആശുപത്രികളില്‍ നിരീക്ഷണത്തിലുണ്ട്. മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ 543 പേരും തിരൂരങ്ങാടി താലൂക്ക് ആശുപത്രിയില്‍ 14 പേരും നിലമ്പൂര്‍ ജില്ലാ ആശുപത്രിയില്‍ രണ്ട് പേരും തിരൂര്‍ ജില്ലാ ആശുപത്രിയില്‍ ഒരാളും കാളികാവ് പ്രത്യേക ചികിത്സാ കേന്ദ്രത്തില്‍ 61 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില്‍ 61 പേരും കരിപ്പൂര്‍ ഹജ്ജ് ഹൗസില്‍ 151 പേരും കാലിക്കറ്റ് സര്‍വ്വകലാശാലയിലെ പ്രത്യേക ചികിത്സാ കേന്ദ്രത്തില്‍ 242 പേരുമാണ് ചികിത്സയില്‍ കഴിയുന്നത്. 30,151 പേര്‍ വീടുകളിലും 1,274 പേര്‍ കോവിഡ് കെയര്‍ സെന്ററുകളിലുമായി പ്രത്യേക നിരീക്ഷണത്തിലുണ്ട്.

63,495 പേര്‍ക്ക് രോഗബാധയില്ലെന്ന് സ്ഥിരീകരിച്ചു

ജില്ലയില്‍ നിന്ന് ഇതുവരെ ആര്‍.ടി.പി.സി.ആര്‍, ആന്റിജന്‍ വിഭാഗങ്ങളിലുള്‍പ്പടെ 71,381 പേരുടെ സാമ്പിളുകള്‍ പരിശോധനക്കയച്ചു. ഇതില്‍ 69,528 പേരുടെ ഫലം ലഭ്യമായതില്‍ 63,495 പേര്‍ക്കാണ് വൈറസ് ബാധയില്ലെന്ന് സ്ഥിരീകരിച്ചത്. 1,789 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്.

സമ്പര്‍ക്കത്തിലൂടെ രോഗബാധ സ്ഥിരീകരിച്ചവര്‍

കണ്ണമംഗലം സ്വദേശി (38), മഞ്ചേരി നെല്ലിക്കുത്ത് സ്വദേശിനി (17), ഊരകം സ്വദേശി (14), തേഞ്ഞിപ്പലം സ്വദേശിനി (15), പരപ്പനങ്ങാടി സ്വദേശി (14), മഞ്ചേരി സ്വദേശികളായ 14 വയസുകാരി, 10 വയസുകാരന്‍, മമ്പാട് സ്വദേശി (50), ചെലേമ്പ്ര സ്വദേശികളായ 19 വയസുകാരി, അഞ്ച് വയസുകാരന്‍, തേഞ്ഞിപ്പലം സ്വദേശി (എട്ട്), രണ്ടത്താണി സ്വദേശി (25), കോട്ടക്കല്‍ സ്വദേശി (20), കാക്കഞ്ചേരി 38-ാം മൈല്‍ സ്വദേശിനി (30), കോട്ടക്കല്‍ പാണ്ടമംഗലം സ്വദേശികളായ 57 വയസുകാരന്‍, 30 വയസുകാരന്‍, 33 വയസുകാരന്‍, പെരുവെള്ളൂര്‍ സ്വദേശികളായ 10 വയസുകാരി, 60 വയസുകാരന്‍, നാല് വയസുകാരന്‍, 55 വയസുകാരന്‍, 16 വയസുകാരന്‍, 32 വയസുകാരന്‍, പൂക്കോട്ടൂര്‍ സ്വദേശിനി (64), കാടാമ്പുഴ സ്വദേശി (32), കോട്ടക്കല്‍ സ്വദേശികളായ 25 വയസുകാരി, 45 വയസുകാരി, കണ്ണമംഗലം സ്വദേശികളായ രണ്ട് വയസുകാരന്‍, 12 വയസുകാരന്‍, ഒമ്പത് വയസുകാരന്‍, കോട്ടക്കല്‍ സ്വദേശി (23), കാടാമ്പുഴ സ്വദേശി (27), കോട്ടക്കല്‍ സ്വദേശി (39), കൊണ്ടോട്ടി സ്വദേശി (മൂന്ന്), ഇരിമ്പിളിയം സ്വദേശി (46), പരപ്പനങ്ങാടി സ്വദേശി (40), കോട്ടക്കല്‍ ആമപ്പാറ സ്വദേശിനി (45), പൂക്കോട്ടൂര്‍ സ്വദേശി (53), പോത്തുകല്ല് സ്വദേശിനി (58), കോട്ടക്കല്‍ സ്വദേശി (56), നിറമരുതൂര്‍ സ്വദേശി (41), പരപ്പനങ്ങാടി സ്വദേശി (17), പൂക്കട്ടൂര്‍ സ്വദേശി (42), കോട്ടക്കല്‍ സ്വദേശി (40), കൊളത്തൂര്‍ സ്വദേശി (33), അരീക്കോട് സ്വദേശികളായ 25 വയസുകാരന്‍, ഏഴ് വയസുകാരി, 26 വയസുകാരി, 31 വയസുകാരന്‍, കോട്ടക്കല്‍ പുതുപറമ്പ് സ്വദേശിനി (39), പരപ്പനങ്ങാടി ചെട്ടിപ്പടി സ്വദേശിനി (23), കോട്ടക്കല്‍ കോട്ടപ്പടി സ്വദേശി (56), പരപ്പനങ്ങാടി സ്വദേശി (19), ഒതുക്കുങ്ങല്‍ സ്വദേശി (24), പരപ്പനങ്ങാടി സ്വദേശി (33), അങ്ങാടിപ്പുറം പുഴക്കാട്ടിരി സ്വദേശി (45), മലപ്പുറം മേല്‍മുറി സ്വദേശി (60), മലപ്പുറം സ്വദേശി (35), കോട്ടക്കല്‍ സ്വദേശി (43), പരപ്പനങ്ങാടി ഉള്ളണം സ്വദേശി (21), എടയൂര്‍ സ്വദേശി (35), മഞ്ചേരി പയ്യനാട് സ്വദേശിനി (37), ചെട്ടിപ്പടി സ്വദേശിനി (58), തിരൂരങ്ങാടി സ്വദേശി (10), ചേലേമ്പ്ര സ്വദേശിനി (55), വണ്ടൂര്‍ സ്വദേശി (47), കോട്ടക്കല്‍ സ്വദേശി 39 വയസുകാരന്‍, തേഞ്ഞിപ്പലം സ്വദേശിനി (65), ചേലേമ്പ്ര സ്വദേശി (32),  പരപ്പനങ്ങാടി സ്വദേശി (45), പാതായിക്കര സ്വദേശി (32), കോട്ടക്കല്‍ സ്വദേശി (33), ഒതുക്കുങ്ങല്‍ സ്വദേശി (36), പൊന്മള സ്വദേശി (എട്ട്), മണ്ണാര്‍മല സ്വദേശി (41), കോട്ടക്കല്‍ സ്വദേശി (34), കോട്ടക്കല്‍ സ്വദേശി (30), കുറ്റിപ്പുറം ആമപ്പാറ സ്വദേശി (54), എടവണ്ണ പത്തപ്പിരിയം സ്വദേശി (50), പൂക്കോട്ടൂര്‍ സ്വദേശിനി (43), വള്ളിക്കുന്ന് സ്വദേശി (48), താനൂര്‍ സ്വദേശി (45), കൊണ്ടോട്ടി കൊടിമരം സ്വദേശി (25), ചെട്ടിപ്പടി സ്വദേശി (ഏഴ്), കൊണ്ടോട്ടി സ്വദേശി (27), ചെട്ടിപ്പടി സ്വദേശി (29), ചെറുവണ്ണൂര്‍ സ്വദേശി (ഏഴ്), കൊണ്ടോട്ടി സ്വദേശിനി (49), തേഞ്ഞിപ്പലം സ്വദേശി (75), ഊരകം സ്വദേശി (47), പെരുവെള്ളൂര്‍ പറമ്പില്‍പീടിക സ്വദേശിനി (47), മമ്പാട് സ്വദേശി (65), ഊര്‍ങ്ങാട്ടിരി സ്വദേശി (43), പാണക്കാട് പട്ടര്‍ക്കടവ് സ്വദേശി (25), പൊന്നാനി സ്വദേശി (42), തവനൂര്‍ സ്വദേശി (52), പെരുവെള്ളൂര്‍ സ്വദേശിനി (30), ചെമ്രക്കാട്ടൂര്‍ സ്വദേശി (63), ഒതുക്കുങ്ങല്‍ സ്വദേശി (25), പള്ളിക്കല്‍ കൊട്ടപ്പുറം സ്വദേശിനി (44), കൊണ്ടോട്ടി സ്വദേശിനി (50), നിലമ്പൂര്‍ സ്വദേശിനി (33), മലപ്പുറം സ്വദേശികളായ 27 വയസുകാരന്‍, 32 വയസുകാരി എന്നിവര്‍ക്കും ഉറവിടമറിയാതെ മങ്കട സ്വദേശിനി (46), പെരുവെള്ളൂര്‍ സ്വദേശി (39), നെടിയിരുപ്പ് സ്വദേശി (23), കോഡൂര്‍ വലിയാട് സ്വദേശി (33), മലപ്പുറം കോട്ടപ്പടി സ്വദേശിനി (39), പെരുവെള്ളൂര്‍ സ്വദേശി (28), പുളിക്കല്‍ ആന്തിയൂര്‍ക്കുന്ന് സ്വദേശി (34), മലപ്പുറം എം.എസ്.പി ക്വാര്‍ട്ടേഴ്‌സിലെ ആറ് വയസുകാരി, ചേലേമ്പ്ര സ്വദേശി (30), കൊണ്ടോട്ടി സ്വദേശിനി (27), മങ്ങാട്ടിരി സ്വദേശിനി (55), പുളിക്കല്‍ സ്വദേശി (88), പുളിക്കല്‍ സ്വദേശിനി (26), കോഡൂര്‍ സ്വദേശി (53), പുല്‍പ്പറ്റ സ്വദേശി (28), തിരൂര്‍ സ്വദേശി (53), കൊണ്ടോട്ടി സ്വദേശി (30), വെട്ടം സ്വദേശി (46), കോട്ടക്കല്‍ സ്വദേശി (36), കുഴിമണ്ണ സ്വദേശി (അഞ്ച്), പുഴക്കാട്ടിരി സ്വദേശി (44) എന്നിവര്‍ക്കുമാണ് സമ്പര്‍ക്കത്തിലൂടെ രോഗബാധ സ്ഥിരീകരിച്ചത്.

ഇതര സംസ്ഥാനങ്ങളില്‍ നിന്നെത്തിയവര്‍

പശ്ചിമബംഗാളില്‍ നിന്ന് ജില്ലയിലെത്തിയ 33 വയസുകാരന്‍, കര്‍ണ്ണാടകയില്‍ നിന്നെത്തിയവരായ മുള്ളമ്പാറ സ്വദേശി (35), വള്ളുവമ്പ്രം സ്വദേശി (35), പട്ടിക്കാട് സ്വദേശിനി (27), തെന്നല സ്വദേശിനി (23), തമിഴ്‌നാട്ടില്‍ നിന്നെത്തിയ താനൂര്‍ സ്വദേശി (61) എന്നിവര്‍ക്ക് ഇതര സംസ്ഥാനങ്ങളില്‍ നിന്നെത്തിയ ശേഷവും രോഗബാധ സ്ഥിരീകരിച്ചു.

വിദേശ രാജ്യങ്ങളില്‍ നിന്നെത്തിയവര്‍

സൗദിയില്‍ നിന്നെത്തിയവരായ ചോക്കാട് സ്വദേശി (നാല്), ചോക്കാട് സ്വദേശിനി (22), മഞ്ചേരി പയ്യനാട് സ്വദേശി (50), ചാത്തങ്ങോട് സ്വദേശി (46), എളങ്കൂര്‍ മഞ്ഞപ്പറ്റ സ്വദേശി (47), തൃക്കലങ്ങോട് സ്വദേശി (51), കാവനൂര്‍ സ്വദേശി (53), പാണ്ടിക്കാട് സ്വദേശി (38), പുലാമന്തോള്‍ സ്വദേശി (40), തൂത സ്വദേശി (30), വേങ്ങര സ്വദേശി (57), ഖത്തറില്‍ നിന്നെത്തിയ മഞ്ചേരി സ്വദേശി (40) എന്നിവര്‍ക്കുമാണ് ഇന്നലെ വിദേശ രാജ്യങ്ങളില്‍നിന്നെത്തിയവരില്‍ രോഗം സ്ഥിരീകരിച്ചത്.

Leave A Reply

error: Content is protected !!