സംസ്ഥാനത്ത് ഒരു കൊവിഡ് മരണം കൂടി; മരിച്ചത് ആലുവാ സ്വദേശി

കൊച്ചി: സംസ്ഥാനത്ത് ഒരാൾ കൂടി കൊവിഡ് ബാധിച്ച് ചികിത്സയിലിരിക്കെ മരിച്ചു. കളമശ്ശേരി മെഡിക്കൽ കോളേജിൽ ചികിത്സയിലായിരുന്ന ആലുവ കീഴ്മാട് അഞ്ചാം വാർ‍‍ഡ് സ്വദേശി ചക്കാല പറമ്പിൽ ഗോപി ആണ് മരിച്ചത്. 70 വയസായിരുന്നു. കൊവിഡ് സ്ഥിരീകരണത്തെ തുടർന്ന് രണ്ടാഴ്ചയായി ചികിത്സയിലായിരുന്നു. ലോട്ടറി വിൽപന തൊഴിലാളിയാണ്.

ഉറവിടം അറിയാത്ത കേസാണ് ഗോപിയുടെത്. ഹൃദയ സംബന്ധിയായി രോഗങ്ങളും ഇദ്ദേഹത്തിനുണ്ടായിരുന്നു. കളമശേരി മെഡിക്കൽ കോളജിലാണ് ഗോപി ചികിത്സ തേടിയിരുന്നത്. ഇദ്ദേഹത്തിന്റെ സംസ്‌ക്കാരം കൊവിഡ് പ്രോട്ടോക്കോൾ പാലിച്ച് കീഴ്മാട് ശ്മാശനത്തിൽ നടക്കും. ഇദ്ദേഹത്തിന്‍റെ സമ്പർക്ക പ്പട്ടികയിൽ ആരോഗ്യ വകുപ്പിന് ആശങ്കയുണ്ട്. ഗോപിയുടെ കുടുംബത്തിലെ മറ്റ് മൂന്ന് പേർക്കും കൊവിഡ് ബാധിച്ചിരുന്നു. എറണാകുളത്ത് ഉറവിടമറിയാത്ത കേസുകൾ വർധിക്കുന്നത് ആരോഗ്യ വകുപ്പിന് തലവേദനയാകുകയാണ്.

Leave A Reply

error: Content is protected !!