ദേശീയ ആരോഗ്യ ദൗത്യത്തിനുള്ള കേന്ദ്രവിഹിതം കേരളത്തിന് കിട്ടിയില്ല

എൻ.എച്ച്.എമ്മിന് 60 ശതമാനം കേന്ദ്രവിഹിതവും 40 ശതമാനം സംസ്ഥാനവിഹിതവുമാണ്. കേന്ദ്രസർക്കാർ 826.02 കോടി രൂപയും സംസ്ഥാന സർക്കാർ 550.68 കോടി രൂപയും അനുവദിക്കണം. എൻ.എച്ച്.എം. പ്രവർത്തനങ്ങൾക്കുള്ള 409.05 കോടി രൂപയിൽ 371.2 കോടി രൂപയ്ക്ക് ക്യാഷ് ഗാരണ്ടിയായി ധനമന്ത്രാലയം അനുമതിനൽകി. ഈ തുക 92.8 കോടി രൂപയുടെ നാല് ഗഡുക്കളായാണ് അനുവദിക്കുക. എന്നാൽ, ഒന്നുപോലും നൽകിയില്ല. 278.4 കോടി രൂപയാണ് നിലവിലെ കുടിശ്ശിക. സംസ്ഥാനവിഹിതം തടസ്സങ്ങളില്ലാതെ ലഭ്യമാക്കിയിട്ടുണ്ടെന്നും ആരോഗ്യവകുപ്പ് അധികൃതർ അറിയിച്ചു.